More than 7000 Happy Clients with more than 7500 Spells casted till date.

KHWAABON PER BANDISH

Aam taur per hum log mukhtalif bandishon ke bare mein sunte hain- jaise ki talaq per bandish (jis se kisi aurat ka khaawand us ko talaq na de sake), dusri shadi per bandish, saanson per bandish waghairah. Khwabon per bhi jadugar bandish laga dete hain aur is qism ki bandish se nimatne ke liye pahle is bandish ko baariki se samajhna zaruri hai.

Aisi beshumaar ahadith bhi maujud hain jo ek momin ki zindagi mein khwabon ki ahmiyat zaahir karti hain. 
Ek hadith ke mutaabiq khwabon ke zariye momin ko Allah (swt) ki taraf se khushkhabri milti hai aur sath hi mein us ki zindagi mein hone wale waqyaat ke bare mein bhi ilm at’a kiya jaata hai.  Yeh waqyaat us per kiye jaane wale sifli se mutaalliq bhi ho sakte hain aur us ke alaawa kuch aur bhi ho sakte hain. Qissa mukhtasar yeh hai ke momin ke liye us ke khwaab hikmat ka khazaana hote hain. Hame ahadith se is baat ka bhi suboot milta hai ke jaise jaise waqt guzrega shayad hi momin ka aisa koi khwab hoga jo sach na ho aur jo jitna sacha hoga us ke khwab bhi utne hi sache saabit honge.
Is surat e haal mein aap samajh sakte hain ke kisi momin ke liye us ke khwab kitni ahmiyat rakhte hain. Lehaaza jadugar khwaabon per bandish lagaa ker victim ko bahut qeemati maalumaat se mehroom kar deta hai taaki woh kashmakash mein pada rahe aur us ko koi rahnumaai na mil sake.
Dusri bandishon ki maanand khwaabon per bandish se bhi chhutkaara haasil kiya ja sakta hain. Momin jitna Allah (swt) ki Ibaadat karega utna hi shaitan mardud se mehfuz rahega aur kyunki kala jadu, sifli waghaira sab shaitani amal hain lehaaza momin ka Allah (swt) se lau lagaana aur us ki qhaalis ibaadat karne se woh apne tamaam dushmanon ko maghloob kar sakta hai.